प्यूटार गाविस की कल्लीकुमारी विकलाई बोक्सीको आरोपमा मलमुत्र खुवाई फरार रहेकी विमला लामा गोलेलाई ०६६ जेठ २७ गते बिहान ११ बजे प्रहरीले ललितपुर उपमहानगरपालिका कुमारीपाटीबाट गिरफ्तार गरेको छ ।
प्रहरीले गिरफ्तार गोलेमाथि सार्वजनिक अपराध र मुलुकी ऐन अदलको १० नम्बर महलको बोक्सीको आरोपमा अमानवीय क्रुर यातना अर्न्तर्गत मुद्दा दायर गरेको थियो । प्रहरीको खोजिमा रहेकी गोलेलाई जिल्ला प्रशासन कार्यालय जाने क्रममा कुमारीपाटीबाट गिरफ्तारर गरेको हो । गोलेलाई महानगरीय प्रहरी परिसर जावलाखेलमा हिरासतमा राखिएको छ ।
महानगरीय प्रहरी परिसरका डिएसपी बसन्त कुँवरले सर्वसाधारणले गोले जिल्ला प्रशासन कार्यालय जान लागेको सूचना दिएपछि सोही सूचनाको आधारमा गोलेलाई गिरफ्तारर गरेको जानकारी दिए ।
गिरफ्तारर गोलेले कल्लीकुमारीलाई कुटपिट गरेको स्वीकार्दै दिशा नखुवाएको बताइन् । उनले भनिन्, 'मैलै कल्लीकुमारीलाई निदारमा हिर्काएको हो ।' आफू बिरामी भई मकवानपुर जिल्ला छत्तिवन गाविसमा दिदीको घरमा गएर बसेको बताइन् ।
प्यूटार गाविस स्थित गडिभञ्ज्याङ प्राथमिक विद्यालयकी प्रधानध्यापिकासमेत रहेकी गोले चैत १२ गतेदेखि फरार रहँदै आएकी थिइन् । उनले चैत ७ गते किल्लीकुमारी विकलाई बोक्सीको आरोपमा कुटपिट र दिशा खुवाएकी थिइन् ।
गोपीकृष्ण भट्टर्राईबाट